原來比單戀更寂寞 (58)
58/59。
胃痛得很，將計就計，以胃潰瘍入院為藉口跟經理請假。
以為根本天方夜譚，沒有住院證明，騙不了誰，
誰料他異常的說：「我知道你病左啦，批幾日假俾你，搞掂你啲野番到黎落力幫我做野，其他人真係信唔過。」
大概，「幫我做野」指替他跟他老婆偽造外出公幹的原因，讓他名正言順跟二奶或三奶短聚，大戰數天。
算了，沒有心情猜想太多，幻想一個肥佬糟蹋青春少艾的畫面更加令我作嘔。
計劃成功，假批了就可以。
迫著開了手機，她卻沒有再傳來訊息，也沒有未接來電。
好！好......這是我預料之內......
為什麼會有難過的感覺？
關上手機，繼續癱瘓在床，
只是間中起來如廁，活像病人。
已經第五十八天了。
堅持多兩天，她便會忘記所有憂愁，緊張的坐上機場巴士，
打扮得比平日漂亮，在車程上重新檢查為他預備的小禮物，
在他推著行李步出機場大堂時，便會飛奔向他。
兩人久別重逢，情話綿綿，她吻他一口，他抱她一下，
旁若無人，如膠似漆，含情脈脈，心心相印......
而她對我所有的思念，就在巴士駛過青馬大橋時拋進深海，
永不超生，嗚呼哀哉！
眼晴再次張開已經是晚上，下意識不自覺查看手機，還是忍不著把它開啟。
「你有三個新口訊。」
掙扎一輪，在床上輾轉幾圈，
反正看不到她真人，不是與她即時對話，
按下揚聲播放，躺下，聽著......
口信(1)：
喂，你終於肯聽我把聲喇？你連電話都熄埋，唯有留言俾你喇！
今日我推曬所有補習，無上堂，去左好多地方啊，最衰你又唔得閒同我去！
朝早我番番去我地以前住個度，好掛住以前番學既日子啊！
見到啲著住校服既中學生，我就諗起你以前拎住個藍球，咬住個包望住我個樣。
我地以前去個間自修室都仲係度，不過啲檯檯櫈櫈都換曬喇，連檯布都唔用白色。
緊係喇！你以前成日倒瀉啲咖啡落去，搞到污糟曬！
番番黎呢度，原來我地已經長大，好多野都唔同曬。
我覺得我地可以見得番真係一個奇蹟，又或者係個天同我地開左個玩笑。
我最開心既係，原來你對我都仲係無變過，同你重遇之後既呢段時間我好似番番去以前咁，
我可以重新走多次我既路，我可以唔記得曬以前唔開心既野，
你帶左我去另一個世界，一個只有我地兩個既世界。
我只係想同你講多謝你愛我，同你一齊係我咁多段感情入面最開心。
係呢？你仲記唔記得你第一句同我講既係咩？
我諗極都記唔起...如果你記得，你可唔可以話番俾我聽？
口信(2)：
你估下我岩岩去左邊？我去左你公司樓下間Starbucks啊，
我知你唔會係個度，我去係想等自己可以記多一次個時發生畫面，去現場會深刻啲！
係呢？你記唔記得我個日係著咩衫？
如果個日我朋友唔係遲到，我無入到去買野飲，唔知我地依家會點呢？
其實第一次見番你個時，我係有啲嬲你，因為以為你以前無啦啦唔見左，
原來係一場誤會！
我殘左咁多，好彩你都仲認得我。
我依家係我地第一次約會之後行個條街，但係我搵極都搵唔到間我地去過花店，
我認路真係好差...你可唔可以帶我去多次？
明明係呢度...我記得明明係呢度...點解無架...
我唔講住喇...我一定要搵到...一定要......
口信(3)：
我番到屋企喇，原來已經咁夜。
最後我都搵到間花店！同上次一樣都係無開門。
但係，原來無你係度，搵到間野個時都無好興奮，
無你係身邊，我根本唔知自己做緊乜......
同我係埋一齊呢段時間，我知道你其實好大壓力，
每次攬住你，我都覺得你瘦左，但係你都仲成日諗辦法哄我開心......
我知我真係好煩...
對唔住...我煩左你成日...你繼續忙喇...
拜拜......
「我係Celia，我依家聽唔到你電話啊，有咩你就留低口信喇，拜拜！」
「喂...係我...我忙完喇...我忙完喇...要你擔心我咁耐...對唔住。
妳...聽日得唔得閒？我想見多妳一日......」
Search